الثانويه العامه واهواء الوزراء

(الثانويه العامه واهواء الوزراء)000000000000 كل وزير تربيه وتعليم جديد لازم يحط بصمته على نظام الثانويه العامه 0وكل نظام انيل من اللى قبله وكله على دماغ الطلبه مش عارفين فى الاخر هترسى على ايه اكيد هنستعين فى الاخر بمدرب اجنبى قصدى بمؤسسه اجنبيه تظبطلنا تعليمنا ولا ايه !00 ليه متتعملش لجنه تكلف بعمل دراسات لتطوير كل مراحل التعليم فى مصر ومفيش مانع يستعان بدراسات ونظم اجنبيه وماله 00وايضا يتم اشتراك اصحاب الشان -الطلبه- يعنى ليه لأ بمعنى انه يتعمل استطلاع لاراء الطلبه ويكلف الطلبه بعمل ابحاث موضوعيه عن كيفية تطوير التعليم بالاستعانه بالكتب المتخصصه والنت وبذلك يتم الوصول لنظام امثل0 مش كل وزير يركب يعمل نظام على كيفه من وجهة نظره هو وياسلام لو كان الوزير ده كمان مش متخصص يعنى اصلا مش استاذ فى كلية التربيه لا ده ممكن يكون دكتور اطفال ويعالم الجديد ده معاه اه اصلا 0وفى الاخر شوية الطلبه هم فران التجارب لكل وزير -000 الحقيقه فى كلمه حلوه قالها الاستاذ مفيد فوزى انه بدل انسف حمامك القديم عاوزين ننسف وزارة التربيه والتعليم -0 وبعدين فى كمان نقطه الحقيقه مهمه اوى انه الحمد لله بعد موضوع انتخابات الرئاسه الى بتحصل فى مصر بيقدم كل مرشح برنامجه الانتخابى وعليه بيتم اعطائه الاصوات( هايل )طيب الوزير ليه بيعين فى تعديل وزارى من الريس وليه مش بيقدم برنامجه لتعديل التعليم او خططه فى ادارة هذه المنظومه المعقده ويتم عرض البرنامج فى تصويت جماهيرى ويتم التصويت للوزير على اساس رؤيته وخططه مش احنا نستنا لما يتعين ونقابل القرارت من هنا على الاختراعات من هناك ويبقى الوزير ذى البطيخه بالنسبالنا ويتطلع حمرا يا000 وياسلام لو نعمل تطوير للمناهج بالمره ده احنا بنفاجئ فى الجامعه بان الحشو الى كنا شغالين نحفظ فيه ده كله ولا ليه اى لازمه 0 ونفسى كمان يكون للوزير مده معينه ويحاسب بعدها ما اذا كان نفذ خططه ولا اتركنت على جنب ولو عمل يتم اعطائه مده اخرى وبعدها شكرا يروح ويجى غيره مش عندنا فى مصر كل واحد يركب من العرش على النعش حرام اوى كده ده حتى التجديد حلو 0 وبعدين المدرسين يعينى علشان مرتبهم يزيد يتعمل لهم امتحان ويرجع المدرس بدل مايدرس للطلبه يدرس هو وماله مش عيب بس يتعمل للمدرسين دورات تدريبيه دوريه لمواكبة احدث طرق التدريس وبدل الفلوس الى الدوله هتصرفها على الامتحانات تصرفها على تدريبهم بدل ما نوصل لمرحل نلاقى فيها الطالب يسبق المعلم علميا وامكانياته الذهنيه تكون اعلى ويكون فى فجوه كبيره بين المدرس والطالب والى بتكون سبب فى مشاكل كتير بتحصل 0 وياسلام على الكمبيوتر الى الطلبه بتستخدمه من اولى ابتدائى هههههههه0 ويطلع فى الجامعه يلاقى نفسه ابو جهل فى الكمبيوتر الى المفترض انه لغة العصر 0 ولا الابحاث اول مايطلب مننا بحث نقول اه ده هو اه ده بيتعمل اذاى البحث اكتبه اذاى لانى فى مراحل التعليم الاساسى مفيش حاجه اسمها طالب يعمل بحث والا يكون البحث نشاط تفضلى ياخد عليه شكر فى طابور الصباح 0 ويفاجئ الدكتور فى الجامعه اه ده هو انتو مكنتوش بتعملوا ابحاث مهو مفيش ربط بين المرحلتين الاساسى والجامعى ومفيش تنسيق بين الوزيرين التربيه والتعليم والتعليم العالى ده شغال فى وادى وده شغال فى وادى تانى وكان ده بيخرج اجيال رايحه فى حته تانيه غير الجامعه ونحس انه كان فى مرحله بين الاثنين واسقطت 0او نحس ان احنا كنا فى صحرا مش فى تعلم وده اسلوب مختلف تماما عن ده وعلى فكره احنا كطلبه مش بنتكيف على التعليم الجامعى لا لكن بنحوله لتعليم اساسى ذى متعودنا ونبدا نلجا لناس تعملنا مذكرات ونحفظها وحتى الابحاث والتكاليف والبحث على النت ممكن يعملوا هلنا وكمان الدروس الخصوصيه بنقول خلاص راحت مع الثانويه العامه لا موجوده فى الجامعة وتلاقى الدكتور او المعيد بيجى للطلبه فى البيت 0وهى نفس القصه ياجماعه حرررررررررررام 00000 بنت مصر