الديكتاتوريه فى مصر

نماذج من الديكتاتوريه فى مصر يعنى ايه الشعب فى 1979م يتفاجئ بان الرئيس السادات يقوم بمعاهدة سلام مع الكيان الصهيونى دون علم للشعب المطالب بتفيذ تلك المعاهده فيما بعد والمطلوب منه التطبيع مع هذا الكيان الا يكون ذلك هو منتهى الديكتاتوريه 0حضرنى الان شئ يشبه ذلك فى عهدنا هذا وهو اننا نفاجئ بتغير وزير الرى فى تعديل وزارى محدود دون علم احد او حتى علم لاية ملابسات عما وراء هذا التعديل (مش هنبطل سياسة التعتيم دى ولا ايه )0ولا الحكومه مجوعه الناس ومخليه همها وشغلها الشاغل هو البحث عن لقمة العيش لصرف انظار الناس عن السياسه وما ورائها0 يعنى مش منطقى ابدا واحد بيدور على بطاقة تموين ولا نص كيلو سكر زياده اطلب منه يعمل بطاقه انتخابيه علشان ينتخب فيها حتى ممثليه فى مجلس الشعب0 لما نكفى الناس الاول لقمة عيشها ولبسها ومنشيلهمش هم التعليم وارفه والناس تبدا تشم نفسها من كل هذه الضغوط وتبدا تفكر فى البلد والتغير والتنميه والتقدم اه ساعتها نقدر نقول ان الدوله دخلت فى اولى خطى الديمقراطيه اما قبل ذلك مسمعش حد يتكلم عن الديمقراطيه ابدا احنا فى بلد متخلف بمعنى الكلمه ولا سمانا من دول العالم الثالث ده كرمنا وراف بحالتنا وكتر خيره اوى 0شويه اليومين دول شمنا نفسنا من خلال البرامج الحواريه (التوك شو) بس سبحان الله البرامج كانها بتيدن فى مالطه والبرامج والناس فى نحيه والحكومه فى ناحيه تانيه وقولو الى انتوا عاوزينوا واحنا هنعمل الى احنا عاوزينوا 0 ولا كمان موضوع المحطه النوويه دى ياعم قول يارب البلد بتبيع شركات المياه والكهرباء وعاوزها تعمل محطه نوويه لا وايه مشروع معموله عمل محطوط فى فم فاره مطلقه حد يقرا على المشروع شوية طلاسم كده يمكن ربنا يكرم ويتفك النحس الى راكبه 0( اوم يامصرى اوم اوم اله يخرب بيتك ونام تانى) بنت مصر